Karongi: Gitifu na DASSO birukanywe nyuma yo gufungira umuturage mu biro by’Akagari

Ubuyobozi bw’Akarere ka Karongi District bwirukanye abakozi batatu nyuma yo gukora amakosa akomeye mu kazi, harimo gufungira umuturage mu biro by’Akagari no kumena ibanga ry’akazi.

Mu birukanwe harimo Gitifu w’Akagari ka Kamina n’umukozi wa DASSO bakekwaho gufungira umuturage wari wafatanywe kanyanga ndetse bakamukoresha amapingu itemewe. Hari kandi Gitifu w’Akagari ka Bubazi wirukanywe azira kuburira umuntu ukekwaho ubucukuzi bw’amabuye y’agaciro butemewe ko agiye gufatwa.

Ubuyobozi bw’Akarere bwibukije abakozi kubahiriza amategeko no gukora inshingano zabo neza, bushimangira ko nta rwego rw’Akagari rwemerewe gufunga abaturage.