Bugesera: Umugabo yishwe akubiswe inkoni azira gukekwaho kwiba amateke

Mu Karere ka Bugesera District, umugabo witwa Ndagijimana John w’imyaka 46 yishwe akubiswe inkoni nyuma yo gufatirwa mu murima w’umuturanyi akekwaho kwiba amateke.

Amakuru avuga ko yafashwe n’abarinzi b’uwo murima bakamukubita bikabije kugeza apfuye, aho bamwe mu baturage bavuga ko byari bikwiye ko ashyikirizwa inzego z’umutekano aho kwicwa.

Abakekwaho kumukubita bamaze gutabwa muri yombi, mu gihe ubuyobozi bwemeje ko hakiri gukorwa iperereza kuri iki gikorwa cyahitanye uyu mugabo wasize umugore n’abana batanu.