Ngoma: Umugabo n’umugore we batawe muri yombi nyuma y’urupfu rw’umukecuru watawe mu musarane

Umugabo w’imyaka 35 wo mu Murenge wa Mutenderi mu Karere ka Ngoma, yatawe muri yombi akekwaho kwica nyina w’imyaka 64 nyuma yo kumwishyuza ideni rya miliyoni 3 Frw yari amurimo.

Amakuru avuga ko uyu mugabo yahamagaye nyina amusaba kuza kumufata amafaranga, agezeyo bikekwa ko yahise amwica akamuta mu musarane, nyuma akamenaho beton kugira ngo asibanganye ibimenyetso. Nyuma yagiye ku nzego z’umutekano avuga ko yabuze nyina.

Ubuyobozi bw’Umurenge wa Mutenderi bwemeje aya makuru, buvuga ko umurambo wabonetse ndetse iperereza rikomeje. Uwo mugabo n’umugore we batawe muri yombi, mu gihe umurambo wajyanywe mu Bitaro bya Kibungo gukorerwa isuzuma.