Intambara irakomeje! Nyuma ya penaliti itavugwaho rumwe, Kwizera Olivier atangaje icyifuzo gikomeye kuri APR FC

Umunyezamu, Kwizera Olivier yatangaje ko yifuza kongera guhura na APR FC mu Igikombe cy’Amahoro akayisezerera, nyuma yo kunganya mu mukino wa shampiyona wabereye kuri Stade Amahoro.

Yavuze ko Rayon Sports yitwaye neza kurusha mukeba wayo, anenga penaliti yatanzwe avuga ko itari ikwiye. Yashimangiye ko bafite intego ebyiri—guhatanira igikombe cya shampiyona n’Igikombe cy’Amahoro—kandi abafana badakwiye kugira impungenge.

Kunganya n’iyi kipe byatumye Rayon Sports imara imyaka itatu idatsinda APR FC, ndetse ikaba imaze imikino irindwi itayitsindira kuri Stade Amahoro. Rayon iri ku mwanya wa kane n’amanota 48, irushwa amanota umunani na APR FC ya kabiri.