by 
Umujyi wa Kigali watangaje ko ugiye gushyiraho ahantu rusange ho gupakira imodoka, ku buryo abazifite bazajya bazisiga aho hagenwe bakomeze urugendo bakoresheje bisi. Iyi gahunda igamije kugabanya umuvundo wo mu muhanda no gufasha abaturage kugabanya amafaranga akoreshwa kuri lisansi ikomeje kuzamuka.
Hazifashishwa parking nini zirimo iza Kabuga, Stade Amahoro, Kigali Pele Stadium n’i Ruyenzi, ndetse hakazakomeza gusuzumwa n’ahandi hashobora kwifashishwa. Nubwo serivisi yo gupakira izishyurwa, ibiciro bizaba biri hasi.
Iyi gahunda iri mu ngamba zo guteza imbere ubwikorezi rusange no kugabanya ikoreshwa rya peteroli, bijyanye n’izamuka ry’ibiciro byayo ku rwego mpuzamahanga.
