FARDC na M23 bongeye gushinjanya ibitero nyuma y’Amasezerano

Igisirikare cya FARDC n’umutwe wa AFC/M23 bongeye gushinjanya kugaba ibitero ku baturage, nubwo bari bumvikanye guhagarika imirwano.

AFC/M23 ivuga ko ingabo za leta zarashe uduce twa Minembwe na Mikenke zikoresheje drones, mu gihe FARDC yo ishinja M23 kurasa abasivile mu bice bya Kivu y’Epfo.

Ibi bibaye nyuma y’inama yabereye i Montreux mu Busuwisi, aho impande zombi zari zumvikanye ku guhagarika ibitero no gutanga ubufasha ku baturage.

Kugeza ubu, amakuru atangwa n’impande zombi ntaragenzurwa n’inzego zigenga.