by 
Umuhanzi Kevin Kade yahakanye amakuru yavugaga ko Heradi Sefu Josué yamuhaye miliyoni 30 Frw zo gukora indirimbo ye nshya “Ndi Ready”. Ibi byari byatangajwe na Prophet Joshua ku mbuga nkoranyambaga, aho yavuze ko yagize uruhare mu gutunganya iyo ndirimbo.
Kevin Kade yavuze ko ayo makuru ari ibihuha bidafite ishingiro, ashimangira ko nta mafaranga yigeze ahabwa n’uyu mugabo. Ibi byahise bikuraho urujijo rwari rwatangiye gukwirakwira ku mbuga nkoranyambaga.
Iyi nkuru ije mu gihe indirimbo “Ndi Ready” itegerejwe cyane, cyane ko yakozweho n’abatunganya umuziki bakomeye kandi amashusho yayo yafatiwe mu bihugu bitandukanye byo muri Afurika.
