Abanyamakuru ba YouTube batawe muri yombi! Barashinjwa gukwirakwiza ibihuha

Urwego rw’Igihugu rw’Ubugenzacyaha (RIB) rwataye muri yombi Nsanzimana Augustin na Niyonshuti Emmanuel bakoreraga shene ya YouTube ‘Imbarutso ya Demokarasi’, bakekwaho gukwirakwiza amakuru y’ibihuha ashobora guteza ubwoba muri rubanda.

Umuvugizi wa RIB, Dr Murangira B. Thierry, yemeje ko bafashwe ku wa 1 Gicurasi 2026, aho kuri ubu bafungiye kuri Sitasiyo ya RIB ya Remera mu gihe iperereza rikomeje.

Icyaha bakekwaho gihanwa n’amategeko, aho uhamijwe n’urukiko ashobora gufungwa hagati y’imyaka 3 na 5 ndetse agatanga ihazabu iri hagati ya miliyoni 1 na 3 z’amafaranga y’u Rwanda.