Umunyamideri Gisele Bündchen yasezeranye mu ibanga n’umukunzi we baheruka kubyarana

Umunyamideli w’icyamamare ku Isi, Gisele Bündchen, yashyingiranywe mu ibanga n’umukunzi we Joaquim Valente, nyuma y’amezi make bibarutse umwana wabo wa mbere.

Uyu munyabrazil w’imyaka 45 yasezeranye na Joaquim Valente w’imyaka 38 mu birori byabereye mu rugo rwabo i Surfside muri Florida, ku wa 1 Ukuboza 2025. Ni ubukwe bwitabiriwe n’abagize umuryango n’inshuti za hafi, nubwo bombi batarabitangaza ku mugaragaro nk’uko byatangajwe na The Sun.

Gisele wahoze ari umugore w’icyamamare mu mukino wa NFL, Tom Brady, afitanye abana babiri na we ari bo Benjamin (16) na Vivian (13). Joaquim Valente we yigisha Brazilian jiu-jitsu, akaba yarigishije Gisele n’abo bana be mbere y’uko bakundana, urukundo rwabo ruza kumenyekana mu 2022.