Kirehe: Inkuba yishe amatungo 33, abaturage bafata iya mbere bamushumbusha inka 25

Umuturage wo mu Murenge wa Mpanga, Akarere ka Kirehe, witwa Mutarambirwa Patrick, yapfushije amatungo 33 arimo inka 15 n’intama 18 nyuma yo gukubitwa n’inkuba ku wa 3 Gicurasi 2025.

Nyuma y’iki cyago, abaturage n’ubuyobozi bw’inzego z’ibanze bahise bamufasha kumwihanganisha no kumushumbusha, bamugenera inka 25 (zirimo inyana 23 n’ibimasa bibiri), intama icyenda n’ihene imwe.

Ubuyobozi bwashimye ubufatanye bw’abaturage, buvuga ko bigaragaza umuco nyarwanda wo gufashanya.

Muri rusange, inkuba zakomeje guteza ibyago mu gihugu, aho kuri uwo munsi gusa abantu barindwi bahitanywe na zo mu Ntara y’Iburengerazuba n’Amajyaruguru.