Murera yaba iri mu nzira zo gutandukana n’abakinnyi bane barimo Niyonzima Olivier

Ikipe ya Rayon Sports ishobora gutandukana na Pavel Ndzila, Adama Bagayogo, Harerimana Abdulaziz uzwi nka ‘Rivaldo’ na Niyonzima Olivier ‘Seif’ batanagaragaye mu myitozo yo kuri uyu wa Mbere.

Bamwe muri aba bakinnyi bageze kure ibiganiro byo gusesa amasezerano, mu gihe abandi bazatizwa.

Aba bakinnyi ni bamwe mu batakibona umwanya wo gukina, mu gihe iyi kipe ikomeje kwiyubaka bikomeye, aho imaze kugura abakinnyi batandatu bashya.

Mu bo iyi kipe imaze kugura, harimo umunyezamu Kwizera Olivier, Likau Faustin Kitoko, Yannick Bangala, Ben Aziz Dao, Ramazani Tshimanga Tshilembi na Bienvenu Joachim Vignino, ndetse hakaba hari amakuru avuga ko Gikundiro isigaje kongeramo abandi bakinnyi babiri.