Murera ikomeje urugamba! Yatsinze Amagaju FC, igumana umwanya wa kane

Rayon Sports yatsinze Amagaju FC ibitego 2-0 mu mukino w’Umunsi wa 28 wa Shampiyona wabereye kuri Stade Kamena. Igitego cya mbere cyatsinzwe na Tambwe Gloire ku munota wa 33, mbere y’uko asimburwa kubera imvune, mu gihe icya kabiri cyatsinzwe na Youssou Diagne ku munota wa 75.

Amagaju FC yagerageje kwishyura mu gice cya kabiri, ibona uburyo butandukanye, ariko inanirwa kububyaza umusaruro. Rayon Sports yo yakomeje gukina neza no kugenzura umukino kugeza iwusoje itsinze.

Iyi ntsinzi yafashije Rayon Sports gukomeza kuguma ku mwanya wa kane n’amanota 47, mu gihe Amagaju FC itabashije kubona amanota muri uyu mukino.