CAN 2025: RDC yatunguwe ku munota wa nyuma itsindwa na Algeria

Ikipe y’Igihugu ya Repubulika Iharanira Demokarasi ya Congo (RDC) yatunguwe ku munota wa nyuma itsindwa na Algeria igitego 1-0, mu mukino wabaye kuri uyu wa Kabiri, tariki ya 6 Mutarama 2026, ubwo muri Maroc hakomeje kubera imikino ya ⅛ cy’iri rushanwa ry’igikombe cya Afurika.

Ubwo Riyad Mahrez yari yateraga ishoti rikomeye rikanyura hejuru y’izamu, ryabaye nk’irifunguye amaso Algeria itangira gutera amashoti mu izamu, RDC igatabarwa n’umunyezamu wayo Lionel Mpasi-Nzau kugeza iminota 90 y’umukino irangiye nta kivuyemo.

Umunota wa 118 niwo wabaye inzozi mbi ku bakinnyi ba RDC, kuko rutahizamu wa Algeria ukina anyuze mu mpande, Ramy Bensebaini, yayitunguye atera ishoti ari hanze y’urubuga rw’amahina riruhukira mu ncundura.

Umufana wa RDC wamenyekanye muri iyi mikino, Michel Nkuka Mboladinga, uzwi ku izina rya ’Lumumba Vea’, yari ahagaze mu kibuga nk’uko yari asanzwe abikora mu mikino yose, ariko iki gitego kikijyamo yahise yikubita hasi agwa igihumure, arihutanwa ajya kwitabwaho n’abaganga.

Algeria yabonye itike ya ¼, izakina na Nigeria ku wa Gatandatu, tariki ya 10 Mutarama 2026.