Ibyishimo ni byose ku bakunzi b’ikipe y’Ingabo z’Igihugu nyuma yo kunyagira Murera ikayitwara cya Super Cup

Ikipe ya APR FC izwi nk’ikipe y’Ingabo z’Igihugu yaraye ihaye abakunzi bayo ibyishimo bisendereye nyuma yo ngutsinda Rayon Sports ibitego 4-1, maze  yegukana FERWAFA Super Cup ya 2025.

Igice cya mbere cy’umukino cyari cyarangiye ari ibitego 2-0 mu gihe ibindi bitatu byabonetse mu gice cya kabiri, birimo bibiri byo mu minota y’inyongera ku makipe yombi.

APR yahawe amafaranga miliyoni 20 Frw nk’uko bimeze kuri Rayon Sports y’Abagore yegukanye igikombe itsinze Indahangarwa WFC ibitego 4-0.

Rayon Sports FC na Indahangarwa WFC zatsinzwe, zombi ziratahana miliyoni 10 Frw.