by 
Joseph Kabila wayoboye Repubulika Iharanira Demokarasi ya Congo kuva mu 2001 kugeza mu 2019 yaganiriye n’abahagarariye amadini n’amatorero.
Nk’uko byemejwe n’Umuvugizi w’ihuriro AFC/M23, Lawrence Kanyuka, ibi biganiro byabereye mu gace ka Kinyogote.
Kinyogote ni agace kari mu bilometero bigera mu 10 uvuye mu Mujyi wa Goma. Karimo urugo rwa Kabila.
Ihuriro AFC/M23 tariki ya 26 Gicurasi 2025 ryatangaje ko Kabila yageze mu Mujyi wa Goma. Hari hashize iminsi itatu ateguje Abanye-Congo ko azagira uru ruzinduko.
Kuva yagera i Goma yagize gahunda zitandukanye zirimo ibiganiro n’abayobozi ba AFC/M23 ndetse n’abandi bashaka gutanga umusanzu mu kugarura umutekano mu Burasirazuba bwa RDC.
Biteganyijwe ko gahunda ateganya muri uru ruzinduko nizirangira, azatangaza icyo ateganya gukurikizaho.
