“Hailey akomeje kuba inkingi ya mwamba kuri Justin nubwo ibihuha by’urugo rwabo bidacogora”

Hailey Bieber akomeje kuba inkingi ya mwamba kuri Justin Bieber nubwo ibihuha by’urugo rwabo bidacogora. Nubwo amakuru yagiye avugwa kenshi ko urugo rwabo ruri mu bibazo bikomeye, Hailey yahisemo kuba umugore wihagazeho, akomeza gushyigikira umugabo we mu bihe bikomeye by’ubuzima. Hailey yitabiriye ibirori byinshi ndetse yagaragaje umubano ukomeye na Kendall Jenner. Ibi byabaye mu gihe Justin atagaragara kenshi mu bikorwa by’imyidagaduro.

Hailey yakoze ibishoboka byose mu gufasha Justin guhangana n’ibibazo by’ubuzima bwo mu mutwe no mu rugamba rwo kuva mu biyobyabwenge. Uyu mugore ashimangira ko urukundo rwe na Justin rwatangiriye nyuma y’uko Justin na Selena Gomez batandukanye, ndetse yivuye inyuma mu gukwirakwiza ibihuha byavugaga ko ari we ntandaro yo gutandukana kwa bo.

Nubwo bagira ibibazo, Hailey na Justin bakomeje kwihanganirana no gushyigikirana. Hailey akomeje kugaragaza ubunyamwuga no kuba inkingi ya mwamba, aho abikora atitaye ku mvugo zitandukanye zikwirakwizwa ku mbuga nkoranyambaga n’itangazamakuru.