Kigali: Umumotari yakoze impanuka Polisi imutabaye isanga yari atwaye forode

Umumotari wari utwaye amavuta atemewe ya mukorogo atukuza uruhu, yakoze impanuka, Polisi itabaye imusangana umufuka urimo ayo mavuta atemewe, bimuviramo gutabwa muri yombi. Byabereye mu Karere ka Kicukiro, Umurenge wa Kigarama, Akagari ka Rwampara, Umudugudu w’Umutekano.

Umuvugizi wa Polisi mu Mujyi wa Kigali, CIP Weralls Gahonzire, yabwiye Kigali Today dukesha iyi nkuru ko uyu mumotari yari atwaye amavuta arimo ayitwa Clairmen(12pieces), Epiderm creme(40pieces), Beauty (12pieces), Pawpaw(32pieces), Coco pulp (74pieces), Eclair(6pieces), na Caro light (44pieces).

Ubu uyu mumotari afungiye kuri Sitasiyo ya Gikondo.