Uganda: Abayisilamu bishe umupasiteri bamuziza kuva muri Islam
Mu ijoro ryo ku ya 16 Ukuboza 2023, Abayisilamu bagabye ibitero mu gace ka Kibuku, Uganda, bihitana umupasiteri witwa James Mukenye Habiibu nyuma yo guhungirayo avuye muri Kenya.
Uyu mupasiteri wari warahinduye idini akareka kuba Umuyisilamu akibera Umukristo, yishwe n’Abayisilamu bahoze basengana, bamuziza ko we n’umugore we n’abana babo batatu bateye intambwe bakava mu idini rya Islam bakajya mu idini rya Gikristo muri Mutarama 2022.
Habiibu w’imyaka 29 y’amavuko yishwe nyuma yo kumara igihe bamukangisha kumwica, ari na byo byatumaga ahora ahungira mu duce dutandukanye, kugera ubwo ava i Nairobi akagera Kibuku.
Nyuma yo kumara igihe yakira ubutumwa bwuko azicwa, nk’uko yajyaga abitangaza iyo yabaga yigisha mu rusengero, we n’umuryango we biyemeje kwimarira muri Kristo, bituma ababarwanyaga barushaho kurakara kandi bafata ingamba zikakaye zo kuruhuka bamwishe.
Igihe Habiibu yajyaga mu mugi wa Buseta ajyanywe no gutangaza Inkuru Nziza, yabonye abantu bamukurikira ku igare, yibwira ko ari abashaka ko abasengera, nyamara bari abagambanyi bamukurikiye bigize nk’abafite inyota yo kumenya Ukuri.
Umugore we yamuhamagaye amubaza amakuru y’aho yagiye gutangaza Ubutumwa Bwiza, asanga telefoni itariho, nyuma aza kubwirwa ko umurambo we watoraguwe mu muhanda wa Kakutu, aho yasanze umugabo we yiciwe.
Abaturage babonye iki gikorwa ni bo batangaje ko yishwe n’Abisilamu, bihurirana n’amakuru uyu mupasiteri yajyaga atanga y’uko bamugendaho, bamuziza kuba Umukristo. Habiibu asize abana batatu bato, bafite imyaka 2, 4 na 7.
Polisi ikomeje gukora iperereza kugira ngo ibashe guta muri yombi abakoze ubu bwicanyi.
