FERWAFA yatangiye gukora iperereza ku kibazo cya ‘Match-Fixing’ kivugwamo umutoza w’Amagaju

Ishyirahamwe ry’umupira w’amaguru mu Rwanda, FERWAFA yatangiye gukurikirana Imurora Hakizimana Japhet, umutoza wungirije w’Amagaju FC, ushinjwa kugerageza kugena ibizava mu mukino wahuje ikipe ye na Musanze FC.

Ibi byakurikiye amajwi yasakaye agaragaza asaba umunyezamu wa Musanze kwitsindisha, ndetse n’ikirego cyatanzwe n’iyi kipe isaba ubutabera.

Komisiyo ishinzwe imyitwarire muri FERWAFA yatangiye gusuzuma iki kibazo, mu gihe Musanze FC isaba ibihano birimo guterwa mpaga no guhagarika uregwa mu mupira w’amaguru.