Barashyingura ku butaka bwacu! Imiryango 11 ya Nkombo mu gahinda gakomeye

Imiryango 11 ituye mu Murenge wa Nkombo irasaba ubuyobozi bw’Akarere kubaha ingurane ku butaka bwabo bwahinduwe irimbi batabigizemo uruhare.

Aba baturage bavuga ko kuva mu 2019 ubutaka bwabo bwatangiye gushyingurwamo nyuma y’uko irimbi risanzwe ryari ryuzuye, bikabateza igihombo gikomeye kuko batagikoresha ibikorwa byabo byari bibatunze.

Ubuyobozi bw’Akarere ka Rusizi bwatangaje ko bugiye kuganira n’abaturage hagasuzumwa niba bakwiye guhabwa ingurane nk’uko amategeko abiteganya.