Imbuga nkoranyambaga zirimo gushya! Rayon Sports na APR FC batangiye guhangana mbere y’umukino

Umukino ukomeye uzahuza Rayon Sports na APR FC ugeze kure ku mbuga nkoranyambaga, aho aya makipe yombi ari guhangana mbere y’umukino.

Aya makipe ari gusohora ‘graphics’ zishotorana, buri imwe isubiza indi, ibintu byakajije umwuka mbere y’umukino uzabera kuri Stade Amahoro.

APR FC iri imbere mu mibare y’imikino iheruka, mu gihe kuri ubu iri ku mwanya wa kabiri n’amanota 55, naho Rayon Sports iri ku mwanya wa kane n’amanota 47.

Uyu mukino utegerejwe ku wa Gatandatu, ukomeje gukurura amarangamutima y’abafana benshi mbere y’uko amakipe ahurira mu kibuga.