by 
Niyonzima Olivier bakunda kwita Seif ukina mu kibuga hagati yemeranyije na Rayon Sports gutandukana ku bwumvikane, mu gihe iyi kipe iri gushaka uko itiza myugariro Musore Prince wifuzwa na AS Kigali.
Seif yamaze kumvikana na Rayon Sports gutandukana, ariko ayisaba kumuha imishahara itatu mu mezi atandatu asigaje ku masezerano, ikiyongera kuri miliyoni 4,5 Frw atahawe yongera amasezerano mu mpeshyi.
Ubuyobozi bwa Rayon Sports bwamubwiye ko ibyo bitashoboka, ahubwo azahabwa miliyoni 1 Frw y’umushahara w’ukwezi k’Ukuboza n’amafaranga atahawe asinyira iyi kipe.
