Gasogi United na Mukura VS zaguye miswi

Ikipe ya Mukura yanganyije na Gasogi United igitego 1-1,  mu mikino y’Umunsi wa 20 wa Shampiyona y’u Rwanda yabaye kuri iki Cyumweru, umukino wabereye kuri Kigali Pelé Stadium.

Igice cya kabiri cyatangiye Mukura VS ishaka igitego, iza kubigeraho ku munota wa 50 aho yafunguye amazamu ku gitego cyatsinzwe na Mutsinzi Patrick.

Gasogi United na yo yanyuzagamo ikagera imbere y’izamu, yishyuye ku munota wa 78, ku gitego cyatsinzwe na Douglas Ochoko ku burangare bw’abakinnyi bugarira muri Mukura VS.

Nyuma y’iminota 90 yarangiye ari igitego 1-1, Mukura VS yagumye ku mwanya wa karindwi n’amanota 31 mu gihe Gasogi United iri ku mwanya wa 11 n’amanota 24.